FAQ

Po kërkoni përgjigje në lidhje me startup-et? Më poshtë gjeni të listuara disa nga pyetjet më të shpeshta dhe çfarë duhet të dini për fillimin e një biznesi.

Pyetje të shpeshta

Përse duhet të hapim një startup në Tiranë?

Ka shumë arsye përse duhet të hapim një startup në Tiranë, por kryesore është fakti që ekosistemi po zhvillohet dita ditës, duke i krijuar sa më shumë mundësi bizneseve të reja për tu ngritur.

Çfarë hapash duhet të ndërmerren për të filluar një biznes?

Hapja e një biznesi kërkon punë kërkimore, planifikim, financim dhe shumë dokumenta ligjorë. Por mënyra më e mirë për t’ja nisur mbarë është të bësh një plan biznesi, që përfshin mënyrën sesi një kompani do të arrijë synimin dhe potencialin e saj. Për më shumë informacion klikoni këtu.

Si është ekosistemi i inovacionit në Tiranë?

Ekosistemi në Shqipëri po rritet me ritme të shpejta në vitet e fundit. Gjithmonë e më shumë organizata dhe aktorë të huaj po shprehin interesin e tyre për të kontribuar në zhvillimin e mëtejshëm të ekosistemit të startup-eve dhe inovacionit.

Cilat janë hapësirat co-working në Tiranë?

Tirana ofron me dhjetra mundësi ku të rinjtë mund të shfrytëzojnë hapësira të dedikuara për rritjen e një startup-i dhe për zhvillimin e punëve pa pasur një zyrë fizike për biznesin tuaj. Për më shumë informacion klikoni këtu.

Cilët janë disa prej akseleratorëve dhe inkubatorëve në Tiranë?

Dy prej aktorëve më të rëndësishëm të ekosistemit janë inkubatorët të cilët e ndihmojnë një startup të rritet si dhe akseleratorët të cilët mbështesin startup-et të cilat kanë një produkt minimal të zbatueshëm me mentorim, financim ose me gjetjen e investitorëve. Për më shumë informacion klikoni këtu.