Disa startup-e finlandeze për të mos u humbur

Finlanda jo vetëm që është një nga vendet më të lumtura në botë, por është gjithashtu një qendër e zhvilluar e inovacionit dhe teknologjisë.

Vendi që solli risinë telefonike Nokia, vijon të mbetet një shtet lider në përqafimin e teknologjive të reja, të gjelbra dhe avancimit digjital. Në të vërtetë, rreth 90% e inovacioneve finlandeze të lindura në dekadën e fundit mbështesin realizimin e Objektivave të Zhvillimit të Qëndrueshëm të OKB-së.

Më poshtë gjeni disa startup-e super premtues dhe me rritje të shpejtë, të gjitha të themeluara që nga viti 2020, të cilat mendojmë se duhet t’i vëzhgoni me vëmendje:

• Yahaha: Duke u bërë shpejt një nga startup-et më të njohura të Finlandës, Yahaha është një startup që ofron një platformë krijimi pa kod për përmbajtje interaktive 3D, duke krijuar përvoja gjithëpërfshirëse të botës virtuale. Krijuar në Helsinki në vitin 2020, ai ofron një grup opsionesh për zhvillimin e lojërave, duke përfshirë edhe asete të artit. Zhvilluesit mund të krijojnë ose fitojnë para nga lojërat brenda programit të redaktimit të Yahaha Studio. Kompania ka mbledhur një shumë prej 115 milionë eurosh dhe duke pasur parasysh popullaritetin në rritje të të gjitha gjërave virtuale, është e sigurt që do të vazhdojë të rritet.

• Flowrite: E themeluar në vitin 2020, Flowrite po mbush komunikimin e përditshëm duke i kthyer fjalitë në email dhe mesazhe të gatshme për dërgim. Për shembull, keni hapur ndonjëherë një email ose mesazh dhe nuk jeni të sigurt se çfarë duhet të shkruani në kthimin e përgjigjes? Përpiqeni t’i shprehni gjërat me fjalë duke patur tonin e duhur? Apo ndoshta nuk jeni aq të sigurt për gramatikën tuaj? Flowrite ofron zgjidhje! Pas shkrimit të disa fjalive të shkurtra që japin një bazë për atë që dëshironi të thoni, Flowrite gjeneron automatikisht një email ose mesazh unik që është gati për t’u dërguar, duke kursyer kohë për përdoruesit. Me qendër në kryeqytetin finlandez, Helsinki, Flowrite ka mbledhur rreth 4.6 milionë euro dhe ekipi i tij po rritet me shpejtësi.

• Veri: Ky startup i teknologjisë shëndetësore po i ndihmon njerëzit të përmirësojnë shëndetin e tyre metabolik përmes një aplikacioni që ofron njohuri dhe rekomandime të zbatueshme për zakonet e të ushqyerit dhe stilit të jetesës. Qëllimi i startup-it është të ndihmojë njerëzit të ndihen më mirë në trupat e tyre përmes një kuptimi më të mirë të asaj që ata zgjedhin si mënyre jetese çdo ditë. Me të vërtetën e ashpër se në të gjithë globin, shëndeti ynë metabolik po vuan, Veri dëshiron të na fuqizojë për të bërë një ndryshim. Diabeti, obeziteti dhe rezistenca ndaj insulinës janë tre sëmundje të gjitha në rritje, të cilat, nëpërmjet dezinformatave shëndetësore, nuk po shkojnë askund. Shumë shpesh, njerëzit informohen gabimisht dhe mashtrohen se si të kenë një shëndet më të mirë – u thuhet të fokusohen në kalori sesa në cilësinë e ushqimit. Aplikacioni celular Veri, i kombinuar me një sensor glukoze që integrohet në veshjet e përditshme, u mundëson përdoruesve të bëjnë zgjedhje më të informuara ushqimore dhe të përmirësojnë drejtpërdrejt shëndetin e tyre. E themeluar në vitin 2020, ajo ka mbledhur gjithsej 11 milionë euro.

• P2X Solutions: Me bazë në Espoo, P2X Solutions po ndërton një impiant elektrolizuesi 20 MW (Megawatts) që përdor energjinë elektrike të prodhuar nga burime të rinovueshme dhe rezultati do të jetë hidrogjeni i gjelbër. P2X Solutions përdor teknologjinë Power-to-X për të rafinuar më tej disa nga hidrogjenët e gjelbër. Përveç kapjes së emetimeve të dioksidit të karbonit, ata aplikojnë zgjidhje të ekonomisë qarkulluese duke përdorur dioksid karboni dhe hidrogjen jeshil për të krijuar biokarburant sintetik. Kompania ka lindur në vitin 2020 dhe ka mbledhur 15 milionë euro fonde në total.

• Huuva: E themeluar në vitin 2021, Huuva dëshiron të ofrojë ushqime më cilësore kudo. Që nga shtatori 2021, Huuva ka hapur gjashtë kuzhina rreth zonës më të madhe të Helsinkit. Secila prej kuzhinave të Huuva mbledh 3-6 marka të njohura restorantesh nën një çati, duke u mundësuar konsumatorëve të zgjedhin pjatat e tyre të preferuara nga restorante të shumta në një porosi. Startup-i është gjithashtu i përkushtuar ndaj ndërgjegjësimit të komunitetit. Ai mblodhi 4.9 milionë euro verën e kaluar dhe ka siguruar partneritete me disa marka të mëdha restorantesh në Finlandë.

• Onego Bio: Startup-i i bioteknologjisë Onego Bio ju sjell vezën pa pulë. E themeluar në Espoo, startup-i ka zhvilluar një të bardhë veze pa përdorur asnjë kafshë, duke ofruar një alternativë të qëndrueshme për proteinën më të njohur në botë. Startup-i mblodhi 14.5 milionë euro vitin e kaluar përmes një rritjeje prej 10 milionë eurosh në shkurt dhe më pas një zgjatje prej 4.5 milionë eurosh në fund të verës. Onego Bio përdor një teknologji të quajtur Trichoderma për të zgjidhur problemet mjedisore që lidhen me vezët. Kjo metodë fermentimi preciz, i qëndrueshëm dhe me kosto efektive prodhon ovalbuminën, proteinën më të bollshme të së bardhës së vezës, dhe ekipi beson se kjo teknologji e zgjedhur është superiore për shkak të efikasitetit dhe produktivitetit të saj. Ai gjithashtu ofron përfitime të rëndësishme për mjedisin, sigurinë ushqimore si dhe mirëqenien e kafshëve.

• Cactos: Një kompani finlandeze që synon t’i japë fund zakoneve të dëmshme të energjisë. Ky startup i teknologjisë së gjelbër krijon një sistem energjie qarkulluese, më efektiv për Europën duke konvertuar bateritë e përdorura të automjeteve elektrike, në pajisje të zgjuara të ruajtjes së energjisë. I lindur në vitin 2021, Cactos ofron një flotë me shërbim të plotë të sistemeve të ruajtjes së energjisë të shpërndara bazuar në njësitë e ruajtjes inteligjente të energjisë dhe një shërbim kompjuterik cloud. Njësitë e ruajtjes së energjisë janë bërë nga bateritë e ripërdorura Tesla EV, duke i bërë ato një nga njësitë e ruajtjes së energjisë më miqësore me mjedisin në treg. Ekipi siguroi 2.5 milionë euro vitin e kaluar.

• Synergi: E nxitur nga ndikimi, Synergi po ndihmon shtëpitë të bëhen më të zgjuara për konsumin e tyre të energjisë – duke i fuqizuar ato të kursejnë para dhe të ndihmojnë tranzicionin global të energjisë. E themeluar në vitin 2022 nga tre sipërmarrës të rinj, vizioni është t’u japë qytetarëve europianë më shumë pushtet mbi faturat e tyre të energjisë dhe prodhimin e emetimeve dhe të balancojë rrjetin elektrik. Si pikënisje, përdoruesit mund të lidhin automjetet e tyre elektrike ose automjetet elektrike hibride plug-in (PHEV) me softuerin dhe t’i karikojnë ato me zgjuarsi. Synergi siguroi 800 mijë euro vitin e kaluar dhe këtë vit ekipi planifikon t’u mundësojë përdoruesve të lidhin prodhimin e tyre përmes paneleve diellor, pompat e nxehtësisë, bojlerët e ujit dhe burimet e tjera kryesore të energjisë shtëpiake me platformën.

Shih edhe disa prej llojeve të startup-eve .